點解因航啲客咁蠻不講理架 🙈
話說某日飛日本，然後你地都知復活節幾多豆丁跟住港爸港媽出國見識架啦，睇老總部iPad見到成班機總有成三十幾四十個細路咁囉 👦🏻👧🏻
豆腐「小姐你好，我地有魚柳飯同埋蕃茄長通粉，請問想食邊款？」
呀仔「通粉，媽媽 媽媽，我要食通粉」
港媽「小朋友唔係有兒童餐架咩？」
豆腐「小姐，所有特別餐包括兒童餐都要預早訂先有嘅」
港媽「下？咩叫預先訂呀，姐係冇呀？佢小朋友黎架，Children呀」
豆腐「小姐，我可以幫你去睇下廚房會唔會有多，不過我唔保證一定有」
🙌🏼 Check完當然冇啦 🙌🏼
豆腐「小姐唔好意思呀，我地…」
港媽「咩叫唔好意思呀？下？冇呀姐係？」
豆腐「姐係代表抱歉嘅意思，我地冇多嘅兒童餐，但如果小姐覺得呢兩款唔岩小朋友食，我地有多嘅嬰兒餐同埋中式素食餐，唔知岩唔岩食呢？」
港媽「佢要通粉我要飯，但我覺得好過份囉你地，首先咁多小朋友點解唔上多啲兒童餐，第二點解Check In嗰個人見到我個仔係Children都唔幫佢"柯da" "Kiss Meal"」
豆腐「小姐，我地只會跟據實際要求去訂餐，好少會有多特別餐，除非有乘客唔食；第二地勤同事唔會主動幫乘客訂特別餐，因為咁樣會有機會違反歧視條例，正如和尚打扮都唔一定食素，再者就算CheckIn先要求特別餐，都唔保證訂得切架，因為要預早二十四小時向訂位部要求」
港媽「⋯⋯」
豆腐「小姐，不如咁啦，如果你回程都係坐我地公司，我轉頭幫你試下做Request啦」
港媽「哦，你中意做咪做囉」
大姐呀
係Children [ˈtʃɪldrən] 而唔係 超盡
係Order [ˈɔːdə(r)] 而唔係 柯Da
姐係咁，你冇訂但你又要，我都叫做幫你去睇下有冇啦，你仲要咁樣一句窒埋黎喎，你估你大哂咩？同埋係咪無腦架，見你細路就問你要唔要CHML，咁唔通見你係女人就問你要唔要男人咩？明明個仔話要食Pasta，你有冇理過個仔嘅需求？仲有我好心幫你，你一句唔該都冇仲要老馮，呀姐你係咪撞親個頭呀？
痴9線架，呢排日日都返工，然後日日都上映同一幕戲，對住呢班傻嘅港媽真係人都癲，不過交比哥，哥知道點對付佢地啦 🖖🏼
Search